ӘЛЕМ ЧЕМПИОНЫМЕН КЕЗДЕСУ
Жастар ресурстық орталығының ұйымдастыруымен Ұлыбратияның Манчестер қаласында 20-23 ақпан аралығында өткен Пара Пауэрлифтингтен Әлем кубогында жеңімпаз атанып, Токиода өтетін Паралимпиадаға жолдама алған Құрманбаева Гүлім Жайбергенқызының аудан жастары және қажеттіліктері жоғары ерекше жандармен кездесуі өтті. Қазіргі таңда Гүлім Жайбергенқызы ауданымызға белгілі жаттықтырушы Ведюшкин Сергей Александровичтің қол астында жаттығу жұмыстарын жүргізеді. Кездесу барысында Гүлім Жайбергенқызы жастардың қойған спорт, жеке өміріне қатысты сұрақтарына жауап берді. Бұл жетістігімен Гүлім жастарға әрбір толағай табыстың артында үлкен еңбек барын және қарсы келген қиыншылықтарға мойымай, табандылықпен жету керектігін сөз қылды. Кездесу соңында Гүлімге аудан әкімі А. Шерияздановтың атынан алғыс хат табысталып, Мұғалжар аудандық спорт және дене шынықтыру бөлімінен сыйлықтар берілді. Сонымен қатар Мұғалжар волонтерлары чемпионға гүл шоғын сыйлады.
@meirambek.makhambetov
@jasaqtobe
@gulnara_kabieva
@mugaljar_aydanynyn_akimdigi
